Картингчилени умутландыргъан хорламлары

Совет Союзну Жигити Хасан Ивановну хурметине  Урван районда картингден Къабарты-Малкъарны биринчилиги бла чемпионаты бардырылгъандыла. Анга бизни республикадан, Шимал Осетия-Аланиядан, Ставрополь эм Ростов областьладан къыркъ спортчу къатышхандыла. 

Эсеплеге кёре, биринчи жерни «Нальчик Рейсинг» къауум алгъанды. Бесланны «Барс» командасы – экинчи, Тырныауузну «Цветмет» къаууму уа ючюнчю жерледе орналгъандыла.

Спортчуларыбызны тренерле Руслан Скиба бла Алексей Бабенко хазырлагъандыла.