Адамлагъа таплыкъгъа – телеграмм-чат

Россейни Социал фондуну Къабарты-Малкъарда бёлюмюнден билдиргенлерине кёре, страховательлеге таплыкъгъа фондну телеграм-чаты ишлеп башлагъанды.

Башламчылыкъны мураты адамлагъа фондну иши бла байламлы ангылатыула этиудю, жангычылыкъланы юслеринден билдириудю, сорууларына жууапла бериудю. Чат тогъуз бёлюмден къуралады:

- «Страховательлени эсепге салыу эм эсепден чыгъарыу». Мында инсанланы эмда организацияланы борчлу халда пенсия эм социал страхование этиу жаны бла сорууланы берирге боллукъду;

- «Жангылыкъла». Бу бёлюмде пенсия эм социал законодательствода болгъан жангылыкъла басмаланырыкъдыла;

- «Иш бла байламлы къоркъуулу кезиуле» деген кесегинде ишде чыкъгъан къыйын болумлада неда адамла иш юсюнде ауруу тапсала, урунууну къоруулау жаны бла къоранчланы къайтарырча, производствода къыйын болумла чыкъмазча къаллай мадарла этерге боллугъу ангылатылынады;

- «Къоранчланы къайтарыу» бёлюмде страховательлеге ёлген ишчилерин асырау бла байламлы эм инсаннга сакъатлыгъы болгъан сабийин бакъгъаны ючюн къошакъ алыннган отпускуна къоратылгъан ахчаны къайтарыуну амалларыны юсюнден айтырыкъдыла;

- «125-чи Федерал законнга кёре тёлеуле». Мында тазирле бла байламлы тёлеулени юсюнден билдирилликди;

- «27-чи Федерал законнга кёре тёлеуле» кесегинде уа ишлегенлени эсеплеу информацияны болжалдан кеч неда халатла бла жиберилгенде тёлеулени юслеринден айтылады;

- «Больничный листле, тюзюнлей тёлеуле» бёлюмюнде адамла ауругъанлары бла байламлы ишлемеген кезиулери ючюн тёлеулени этиу, больничный листлеге кёре страховой урунуу жылланы санау бла байламлы сорууланы берирге жарарыкъды;  

- «ЕФС-1 (ПУ) эсепле» кесегинде ЕФС-1 системада энчи эсепге туруу, документледе халатла жиберилген тохташдырыуну юсюнден сорургъа боллукъду;

- «ЕФС (ОСС) эсепле» бёлюмде жиберилген халатланы тюзетиуню амалларын ангылатырыкъдыла.

Чатха https://t.me/sfrpokbr_2024 ссылка бла кирип къошулургъа боллукъду, анга сорууланы ишчи кюнледе жиберирге жарарыкъды, алагъа жууапла онлайн халда этилликдиле. Соруула ишчи кюн башланнгынчы неда ол бошалгъандан сора ийилген эселе, жууапла экинчи ишчи кюн эрттенликде сагъат оннга дери берилликдиле.

Эсигизге салайыкъ, страховательле бусагъатда да, алгъадача, соруулары бла фондну контакт-арасына ишчи кюнледе  8-800-200-06-70 номер бла сёлеширге боллукъдула, ол хакъсызды. Сорууланы социал сетьледе да - ВКонтакте https://vk.com/sfrpokbr, Телеграм https://t.me/sfr_po_kbr_07 эмда Однокласники https://ok.ru/group/70000002358769 – жиберирге жарайды.