Эсепле чыгъарылгъандыла, ишлерини борчлары салыннгандыла

ДОСААФ-ны регионда бёлюмюню инсанланы аскерде къуллукъ этиуге хазырлау эмда аскер-патриот жаны бла юйретиу арасыны тиринде «Ворошиловский стрелок» деген аты бла эришиу бардырылгъанды. Ол Россейни Хауа флотуну кюнюне бла энчи аскер операциягъа къатышханлагъа аталып къуралгъанды, деп билдиреди обществону регион бёлюмюню пресс-службасыны келечиси Виктор Шекемов.

Сора, республикалы спорт-техника арада обществону жер-жерли бёлюмюню пленуму болгъанды. Анга власть органланы, аскер комиссариатны, Сауутланнган кючлени бла право низамны сакълаучу органланы келечилери да къатышхандыла. Алгъыннгы жыйылыудан бери советни талай келечиси жашаргъа республикадан тышына кетип, аны бла байламлыгъын тас этгендиле. Ала советни къауумундан чыгъарылып, орунларына жангы адамла сайланнгандыла. Ызы бла 20 сентябрьде эсепле чыгъарыу-айырыу конференцияны бардырыргъа оноу этилгенди.