Айырмалыла ишге тохташадыла

 Республиканы эм Шимал Кавказны башха регионларындагъы бийик эм орта билим берген окъуу юйлеринден юсюбюздеги жылны сегиз айында 106 студент «Россети Шимал Кавказ» - «Къабмалкъэнергону» филиалында практикаларын ётгендиле. 

Энергетика компанияны бёлюмлеринде Шимал-Кавказ федерал университетни, Къабарты-Малкъар Къырал аграр эм Тау аграр университетлени, «Къурулушчу» эм Эльхотовский колледжлени студентлери алгъан билимлерине бла усталыкъларына кёре ишни къуралыуу эм барыуу бла шагъырей болгъандыла. Подстанцияланы оборудованияларын хайырланыу, алагъа ремонт этиу, ток баргъан ызланы энчиликлерин, ала бла байламлы ишлени кезиулеринде къоркъуусузлукъну жорукъларына да энчи эс бёлюннгенди.

Производстволу эм диплом ишни жазыуну аллында практиканы ётюу бек магъаналы кезиуледен бириди студентледе. Арт эки жылда «Къабмалкъэнергода» ишге 12 жаш адам тохташхандыла. Ол, бек-биринчиден, ала кеслерин практикада иги жаны бла кёргюзтгенлери бла байламлыды.