Солуу паркда – боксну ингири

 Нальчикни кюнюне аталып, шахарны паркында боксну ингири къуралгъанды. Анда 13-18-жыллыкъ жаш боксчула къараучулагъа усталыкъларын, спортну бу тюрлюсюню ариулугъун да кёргюзтгендиле.

Хорлагъанлагъа бла экинчи, ючюнчю жерлеге чыкъгъанлагъа чемпион бел баула, кубокла. майдалла эм грамотала берилгендиле. Алагъа кеслерини ауурлукъ эм жыл сан къауумларында Газаланы Сулейман, Агаланы Джанкиши, Дамир Бифов, Къожакъланы Аслан, Ислам Хатанов, Касим Афашагов, Ринат Батыров эм башхала тийишли болгъандыла.