25 жыл озгъан эсе да, жууап тутарыкъды

1999 жылда Дагъыстанда аскерчилеге чабыуулгъа къатышхан бандитни иши сюдню къараууна берилгенди.

РФ-ни Баш прокуратурасы 1999 жылда Дагъыстанны Ботлих районунда аскерчилеге чабыуулгъа къатышхан инсаннга ачылгъан уголовный ишни къабыл кёргенди. Ол РФ-ни УК-сыны 209-чу статьясыны 2-чи кесегине (сауутланнган аманлыкъчы къауумгъа къатышханы ючюн), 279-чу статьясына (РФ-ни конституциялы къуралыуун тюрлендирирге, аны къырал чеклерин чачаргъа бурулгъан сауутланнган къозгъалыулагъа тири къатышханы ючюн), 317-чи статьясына (аскерчилени жамауат низамлыкъны бла къоркъуусузлукъну жалчытыугъа бурулгъан законлу ишлерине чырмар мурат бла чабыуул этгени ючюн) бузукълукъла этгени ючюн терсленеди.

   Следствие ачыкълагъаныча, 1999 жылда июньда ол Чечен республикада террористле Басаев бла Хаттаб къурагъан сауутланнган къауумгъа киргенди. Ол Ботлих районну Рахата элини тийресинде сауутланнган къозгъалыулагъа къатышханды. Чабыуулну кезиуюнде 33 аскерчи жан бергендиле, энтта 34-сю уа тюрлю-тюрлю жарала алгъандыла.

Уголовный иш Юг округда  аскер сюдню къараууна берилгенди.

 - Алгъаракълада  бу ишлеге къатышхан энтта 90 инснаннга уголовный ишле къабыл кёрюлюп, аладан бирлерине сюд этилгенди. Аманлыкъчылагъа  кёп жылланы  тутмакъда тутулургъа деген оноула чыгъарылгъандыла,-деп билдиргендиле бизге КъМР-ни прокуратурасыны  пресс-службасындан.