Эллилеге къайгъыра

Жолгъа чыгъаргъа сакълап тургъан жашла Къазийланы Къанамат (Нальчик – Ташлы-Тала рейсни шофёру) бла Мисирланы Мурадин (Нальчик – Огъары Малкъар рейсни шофёру) бир автобусда олтуруп ушакъ эте тургъанлай барып къалдым. Жашла  телефонларын чыгъарып, Герпегежде  Хеу сууну юсю бла тартылгъан  кёпюрню суратларын кёргюзтдюле. Ала пассажирлени аллай кёпюрню юсю бла алайсыз да къыйын тау жолла бла элтген тынч болмагъанына жарсыйдыла. Мисир улу элни тийресинде кёпюр жюрюрге къоркъуулу болгъаныны юсюнден автоколоннаны оноучуларына билдиргенди. Автоколоннаны баш инженери  Байсолтанланы Къурмандан телефон бла сёлешип ишни болумун  билдик. Ол айтханнга кёре, Мисир улу алдыргъан видеону анга кёргюзтгенлей, ол КъМР-ни Транспорт эм жол мюлк министерствосуна сёлешип, бу кемчиликни юсюнден айтханды.