Ышаныулукъну телефону дайым ишлейди

МЧС-ни регионда Баш управлениясында кече-кюн да ышаныулукъну телефону ишлейди, аны номери - 8(8662) 39-99-99.

Бу жангычылыкъ адамланы ведомствогъа ышаныулукъларын ёсдюрюр, къутхарыучуланы ишлерини качествосун ёсдюрюр, жамауатны управление органла тамамлагъан ишни юсюнден оюмун билир мурат бла кийирилгенди. Ары сёлешип, адамла от тюшюуден эм суулада къоркъуусузлукъну жалчытыуну, граждан къорууланыуну, фатарлада, юйледе бла организациялада от тюшмезча къаллай мадарла этилгенлерини юсюнден соруула берирге боллукъдула. Андан тышында, кеслери къоркъуусузлукъну сакълау жаны бла кемчиликле, халатла жиберилгенин эслеселе да, айталлыкъдыла. МЧС-ни управлениясыны келечилери, къуллукъларын хайырланып, зорлукъ неда законодательствогъа башха бузукълукъ этгенлери билдирилсе, ол энчи эсепге алынырыкъды. Тарыгъыула келселе, тинтиуле борчлу халда бардырыллыкъдыла.

Ышаныулукъну телефонуна келген билдириулеге Россейни бусагъатдагъы законодательствосуна тийишлиликде къаралады. Анга инсан сёлешгенлей, белгиленнген болжалны ичинде мадарла этерге борч салынады эм аланы юслеринден заявительге айтылады. Алай адам атын ачыкъ этерге сюймеген эсе, аны тилеги тинтиледи, алай жууап берилмейди, деп ангылатадыла ведомствону пресс-службасындан.