От ёчюлтюучюле сегиз кере чакъырылгъандыла

Жылны аллындан башлап республикада сабийле от бла ойнагъанларыны хатасындан сегиз кере от тюшгенди, алада адам ёлмегенди. МЧС-ни регионда Баш управлениясындан белгилегенлерича, быллай болумла гитчеле от бла сакъ хайырлана билмегенлерини, абаданла ала бла от бла кюрешгенде уллу кёллюлю болгъаныны, ата-анала сабийлени бош заманларын тийишлисича къурамагъанларыны хатасындан чыгъадыла.

Аны бла байламлы управление абаданланы сабийлени кеслери алларына къоймазгъа, ала ойнагъан заманларында не бла кюрешгенлерине къарай турургъа, къоркъуусузлукъну жорукъларына гитчеликден юйретирге, ала жетер жерледе сирнеклени эм башха къабындырыучу затланы къоймазгъа, юй ичинде хайырланылгъан электроприборла къалай жандырылгъанларын эм ёчюлтюлгенлерин кёргюзтюрге керекдиле. Андан тышында, аланы кеслерин къояргъа тюше эсе, зат жаннганда, юйню ичинде бугъунмагъанлай, тышына чыгъаргъа эм аны юсюнден таматалагъа билдирирге кереклисин ангылатыргъа, битеу керекли телефонланы жазып берирге, юйюгюзню адресин кёлден билдирирге тийишлиди.