Сакълыкъны унутургъа керекмейди![]() - Жылны аллындан бери Къабарты-Малкъарда 72 туристни жанларына къоркъуудан сакълар онг болгъанды, - деп билдиреди РФ-ни МЧС-ини КъМР-да Баш управлениясыны пресс-службасыны таматасы Кантемир Беров. Ол айтханнга кёре, юсюбюздеги жылда регистрацияны ётген туристлени саны бюгюнлюкде 17850-ге жетгенди. Ала регионда болгъан тюрлю-тюрлю маршрутланы сайлагъан къауумладыла. Битеу да Къабарты-Малкъаргъа быйыл 800 минг адам келгенди. Жылны ахырына ол кёрюмдю иги да ёсеригине ишеклик жокъду. Туристле аслам жюрюген жерледе къутхарыучу постла бардыла. Барыбыз да билгенден, туристле бюгюнлюкде Минги тауну этегине, Чегем ауузунда парадромгъа, «Бызынгы» альплагерьге солургъа аслам барадыла. Бу тийреледе, Шхельда эм Адыр-Суу ауузлада да дежурствола бардырыладыла. Жарсыугъа, озгъан кезиуде ёлгенле да болгъандыла. Аланы саны 8 жетгенди. Бу болум бла байламлы, Элбрус бийик тау къутхарыу отрядны къауумуну таматасы Гулийланы Мухаммат айтханнга кёре, солургъа келгенлени асламы таулада бла къаялада жюрюуню жорукъларына аз да эс бёлмей, уллу кёллюлюк этедиле. Аны ахыры уа жарсыулу бошалады. Ол себепден, къыйын болумгъа тюшмез ючюн, къайда да сакълыкъ керекди.
Поделиться:
Читать также:
12.02.2025 - 16:04 →
Къойчулукъну айнытыуну юсюнден сёлешиннгенди
12.02.2025 - 15:56 →
Бизде къыз къачырыуну энчиликлери
12.02.2025 - 12:53 →
Узун жашауну бир къауум амаллары
11.02.2025 - 09:00 →
Эс бурдурурча – къоркъуулу сурат
11.02.2025 - 08:49 →
Кечеледен биринде къыйын ауруула тюшюрюледиле
|