Сынауладан ётмегенни - жууапха

Быйылны июль айындан башлап сынауладан ётген инструкторла-жол кёргюзтюучюлени бир федерал тизмеси ишлеп башлагъанды. Бусагъатда анда эсепде беш мингден аслам адам барды.

Россейни экономиканы айнытыу министри Максим Решетников билдиргенича, бюгюнлюкде инструкторланы аттестациясын бардырыу ишге альпинизмден, спорт туризмден бла суу тюбюнде спортдан битеукъырал спорт федерацияла да къошулгъандыла. Аттестацияны ал кезиуюнде ала тизмеге кёп заманны ишлеген, федерацияла бла байламлыкъла жюрютген инструкторланы салгъандыла, туроператорланы эсгертиулерине да къарагъандыла.

Сынауланы экинчи кесегинде инструкторла барысы да, экзамен бергенлеринден тышында, иш юсюнде билимлерин, усталыкъларын да кёргюзтгендиле. Бу кюнледе уа аттестациясыз уруннган экскурсоводланы жууапха тартыуну жорукълары тохташдырыла турадыла.