Спорт бла жамауатны асламысы кюрешеди

Къабарты-Малкъарны Спорт министерствосу чыгъаргъан эсеплеге кёре, 2023 жылда республикада физкультура эм спорт бла дайым кюрешген адамланы саны 54,6 процент болгъанды. 400-ден аслам спортчубуз халкъла аралы эм битеуроссей 140 эришиуде хорлагъанланы санына киргендиле.

Бюгюнлюкде спортну башха-башха тюрлюлеринден жарауну 27 минг адам этедиле. Спорт объектлени юслеринден айтханда, спорт школла 47 боладыла, аладан сора да, жыйымдыкъ командаланы хазырлагъан ара, «Спартак-Нальчик» профессионал футбол клуб, спорт клубла бардыла. Чекленнген онглары болгъан сабийле бла ведомствону Спорт-адаптив школунда ишлейдиле.