Канат жол сентябрьда ишлерик тюйюлдю

2-22 сентябрьде гондол канат жол ишлерик тюйюлдю, деп билдиредиле республиканы Курортла эм туризм министерствосундан. Бу кезиуде канат жолда уллу инспекция боллукъду, эскирген кереклери жангыртыллыкъдыла.

Ведомствода ангылатханларыча, гондол 22,5 минг сагъат ишлегенди. Ол замандан сора анга къараргъа тийишлиди. Бу кезиуде адамла башха канат жолла бла хайырланаллыкъдыла. Алай бла маятник канат жол 3500 метр бийикликге «Мир» станциягъа дери жетдирликди, мында Минги тауну аллында ариу суратлагъа тюшерге, Элбрусну къоруулаугъа аталгъан эм бийик тау музейге барыргъа боллукъду. «Кругозор» станциядан а Азау кёлге ариу экожолчукъ элтирикди. Азау таладан Тонгуз орун кёлге, «Девичьи косы» чучхурлагъа, Нарзанла таласына бла «Пик Терс-Къол» обсерваториягъа жолла бардыла.