Банк картадан ахчагъызны урлагъан эселе

Банк картада ахчагъызны урласала, биринчиден, аны ишине чек салыргъа керекди, деп ангылатхандыла бизге КъМР-ни прокуратурасындан. «Картаны юсюнде неда кредит организацияны Интернетде официальный сайтында телефон номерле басмаланыпдыла. Алагъа сёлешире боллукъду. Дагъыда мобильный телефонда банкны программасында тамамларгъа да боллукъду бу ишни. Картаны кючюн, тыяр ючюн банкны бёлюмюне барыргъа да жарайды», - дегендиле бизге ведомстводан.

Ызы бла ахча алыннганына ыразы болмагъаныгъызны юсюнден банкга билдириу жазылады. Аны   картагъыздан ахча тас болгъандан сора кюнню ичинде банкны мекямында тамамларгъа керекди.

Бу болумну юсюнден право низамны сакълаучу органлагъа билдирирге керекди.

Картада ахчаны сакълауну бир ненча жоругъу барды. Биринчиден, аны тарихлерин, болжалы къачан тауусулгъанын, пин-кодун (CVV/СVC) бир адамгъа да билдирмегиз. Аны бла бирге телефоннга вирусланы тыйгъан программала салыргъа керекди.

- Картаны хайырланыуну жорукъларын бузгъан кезиуде банк ахчаны артха къайтармагъанын билирге керекди, - дегендиле бизге республиканы надзор органындан