Кикбоксингде – экинчи жерде

21 августа, 2024 - 11:45

Барнаулда 15-16-жыллыкъ жашланы араларында кикбоксингден XII жай спартакиада бардырылгъанды. Анга къыралны 34 регионундан жюзге жууукъ спортчу къатышханды, ала къарыуларын кикбоксингни «фулл-контакт», «лайт-контакт» эм «поинтфайтинг» бёлюмлеринде сынагъандыла.

Битеукоманда эсепде республикабызны келечилери экинчи жерге чыкъгъандыла, биринчи жерде Москва областьны, ючюнчюде уа Алтай крайны къауумлары орналгъандыла.

Къабарты-Малкъарны командасын тренерле Айдин Саралидзе бла Къудайланы Алим хазырлагъандыла.

Кульчаланы Зульфия.
  • 30 просмотров
Поделиться: