Сютню артыгъы къайры кетеди?Россельхознадзорну Шимал Кавказда регионла аралы управлениясыны келечилери «ВетИС» къырал системада мониторинг бардыргъан кезиуде бузукълукъ тапхандыла: бизни республикада бир предприниматель быйыл 23 июльда 705 литр сютден айран этгенин кёргюзтгенди, алай анга уа 1510 литр сют къоратханын жазгъанды. Эки кюнден сора энтта да 1508 литр сютден 605 литр айран этгенин билдиргенди. Росстатны 2023 жылда 27 ноябрьден 605 номерли буйругъуна тийишлиликде, сютден, сёз ючюн, айран этгенде, аны ёлчеми тюрленмейди - бир литрден аллай бир чыгъады. Аны ючюн а ол предпринимательде къалгъан 1663 литр сют къайры кетгени белгисизди. Алай бла ол инсан къагъытларын тапсыз жарашдыргъаны тохташдырылгъанды. Анга кёре Россельхознадзор ол адамгъа эмда сагъынылгъан къырал системагъа терс шартланы тюшюрген инсаннга эсгертиу этгенди. Заранлы къурт табылгъанды Ведомствону келечилери быйыл озгъан айда тинтиуле бардырып, Черек эмда Прохладна районлада заранлы къурт (восточная плодожорка) тапхандыла. Ол тийреледе бу зат 5,3 минг гектарда жайылгъанды, деп билдиргендиле Россельхознадзорну Шимал Кавказда регионла аралы Управлениясындан. Восточная плодожорка (Grapholita molesta) жемишлени талай тюрлюлерине бек уллу заран салгъан къуртха саналады. Бюгюнлюкде Къабарты-Малкъарда ол жайылгъан тогъуз (карантин) тийре барды; бары да 6,5 минг гектардан артыкъ болады. Аллай жерлени чеклерин специалистле олсагъат белгилейдиле, аланы иелерине да эсгертиуле этедиле. Ол тийреледен жемиш продукцияны, зыгытланы да лабораторияда тинтмей чыгъарыргъа жарарыкъ тюйюлдю. Жерлени иелери бу къуртну къырып кетерирге борчлудула.
Поделиться:
Читать также:
05.02.2025 - 15:13 →
Ууну юйюнде ичерге къойгъанды
05.02.2025 - 15:12 →
Миллет паркны жерлеринден юлюш бёлгенди
04.02.2025 - 10:23 →
Низам – къоркъуусузлукъну мурдору
31.01.2025 - 15:46 →
Жетишимле ачыкъланнгандыла, борчла салыннгандыла, болжалла белгиленнгендиле
31.01.2025 - 08:49 →
Информация «фронтда» - 30 жыл!
|