Уугъа чыгъар кезиу башланады

КъМР-ни Табийгъат байлыкъла эмда экология министерствосундан республикада къанатлылагъа уугъа чыгъыу кезиу башланнганын билдиргендиле. Анда айтханларына кёре, ол аланы тюрлюлерине кёре башха-башха болады. Аланы болжаллары неда мардасы:

Мырды жерледе эмда тюзледе къанатлылагъа 10 августдан 31 декабрьге дери барлыкъды. Ол санда:

- бёденени – кюннге онусун атаргъа жарайды;

- жаз тауукъну – кюннге бешисин;

- кийик кёгюрчюнню – кюннге бешисин;

- мырдылы къанатлыланы – кюннге онусун.

Агъач эмда тау къанатлылагъа уа бу кезиу быйыл 17 августдан башлап келир жылда 28 февральгъа дери созуллукъду. Ол заманда мардала:

- вальдшнеп – кюннге бешисин;

- кеклик – кюннге тёртюсюн.

Сууда жюзген къанатлылагъа уугъа чыгъыу кезиу 1 сентябрьден башлап келир жылда 20 январьгъа дери созуллукъду. Атаргъа уа ма быллай бирин жарайды:

- кийик баппушланы – кюннге ючюсюн;

- кийик къазланы – кюннге бирин.

Тийишли къагъытланы министерствону департаменти береди. Аны адреси: Нальчик ш., Балкарская орам, 102, 1-чи этаж. Телефону: 8(8662)74-04-71. Заявкагъызны ары элтирге неда Госуслуги порталда, МФЦ-да берирге боллукъсуз. Къырал пошлинаны тёлерге реквизитле: https://minprirod.kbr.ru/upload/medialibrary/aaf/mt6i68nafgdrump3mn7hesy...