Къысха билдириу халда

Бу материалны федерал газетледе басмалана туруучу соруу-жууапланы хайырланып хазырлагъанбыз. Ол жууапла бизни окъуучуларыбызгъа да сейир кёрюнюрюк болурла.

Тёлеуле – электронка бла

- Уллу болмагъан УК-ла эм ТСЖ-ла квитанцияланы электрон почта бла жиберирге боллукъдула, алай сизге аны юсюнден алгъадан билдирирге тийишлидиле эм рассылкагъа ыразылыгъыгъызны алыргъа да керекдиле, - деп ангылатады «Билимли хайырланыучуну школасыны» таматасы Александр Козлов. – Аны себепли сизге билмей тургъанлай электронкагъа тёлеу квитанция келсе, ссылкала бла ётюп аны тёлерге ашыкъмагъыз.  Арт заманда аманлыкъчыла адамланы ЖКХ-гъа борчларыгъыз барды деп, жалгъан квитанцияла бла тёлеулени кеслерине ётдюрюрге ёч болгъандыла.

Адам ссылкала келтирген сайтлада кесини картасыны шартларын кийирсе, хыйлачыла аны банк счётуна кирирча амал табадыла.  Алданып къалмазча, УК-да кесигизни борчугъузну билигиз неда къагъыт квитанцияны сакълагъыз.

Школдан юйге дери – мардагъа кёре жолну узунлугъу

Сабий садлагъа бла школлагъа жангы СанПинле кийирилгендиле.  Алагъа кёре юйден школгъа дери жолну узунлугъу 500-800 метрден, элде – 1 километрге дери узакъ болмазгъа тийишлиди.  Алай тюйюл эсе мектеп сабийлени жюрютюрча улоу бёлюрге тийишлиди.

Аны бла бирге бир жанына узакълыкъ 30 километрден кёп болмазгъа тийишлиди. Битеу школла, садла жылыу бла жалчытылыныргъа тийишлидиле. Сабийле школда тёрт сагъатдан аслам тура эселе, аланы исси аш-азыкъ бла да жалчытылыныу къуралады.  Анда дагъыда жик жиги бла школну тийреси, оборудование, тийишли аш берген бёлюм, классла эм башхала къаллайла болургъа керклиси жазылады.

«Жангы жорукъла озгъан коронавирус бла байламлы тюрленнген болумлагъа бек келишедиле, - дейди Билим бериу жумушланы хайырланыучуларыны эркинликлерин сакълагъан биригиуню таматасы Виктор Панин. – Алай битеу билим берген организацияла аланы толу хайырланаллыкъларына уа ышанмайма. Сёзге, Европада андан жумушагъыракъ жорукъла ишлейдиле. РФ-де уа сабийлени къоркъуусузлукъларын жаланда кючлю излемле сакъларыкъдыла деп алай санайдыла.

Пионерле бюгюн да бардыла

- Бусагъатда дунияда 90-нга жууукъ компартияла бардыла: Къытайда, Испанияда, Грецияда, Чехияда, Японияда, Вьетнамда, Бразилияда, Аргентинада эм башхалада, - дейди Къырал Думаны депутаты, КПРФ-ни ЦК-сыны къыралла аралы эм экономика жаны бла байламлыкъла председатели Леонид Калашников.  – Хар белгиленнген къыралда сол жанлы жаш тёлю организацияла бардыла. Бек уллусу – Къытайны Жаш тёлю коммунист союзу».

Дунияда коммунист неда иннетлери анга ушагъан партияла башчылыкъ этген беш къырал къалгъанды: Къытай, Куба, Вьетнам, Лаос, Шимал Корея. Пионерле, комсомолчула эм октябрёнокла Белоруссияда бардыла, къызыл галстуклу сабийлени КНДР-де эм Вьетнамда кёрюрге боллукъду. Анга ушагъан организацияла Венесуэлада, Молдавияда эм Къыргъызда бардыла.

РФ-да пионерияны ишин официал халда «Россей школчуланы къымылдауу» бардырады, ол 2015 жылда къуралгъанды. Анга сабийге 8 жыл толгъанлай кирирге боллукъду. КПРФ-ни да кесини пионер организациясы барды.

Жылыу бериуню юсюнден

«Фатар къайсы этажда болгъанына кёре тёлеулени башха-башха этиу жаланда къатышлыкъгъа келтирликди,- деп ангылатады «ЖКХ Контроль» НП-ны толтуруучу директору Светлана Разворотнева. – Битеу фатарла жылыу бла бирча иги жалчытылыныргъа тийишлидиле.  Алай тюйюл эсе, юйню жылыу сакълагъан амалларын кючлерге керекди: регулирующий аппаратураны орнатыргъа, циркуляция насосланы эм башхаланы.  Аны ючюн жарсыуну Кёп фатарлы юйлени жылыу сакълагъан амалларын кючлеген арагъа билдирирге тийишлиди, ол бизни организацияны мурдорунда къуралгъанды. Юйде жылыулукъ берген системаны къырал ырысхыны болушлугъу бла да игилендирирге боллукъду».

Аурутханны селейтген къайсы дарман эм къоркъуусузду?

Жууапны фармацевтика илмуланы кандидаты, фитохимия жаны бла специалист Игорь Сокольский береди:

- Парацетомол бирси противовоспалительный нестероид препаратладан эсе санны-чархны саулай да ишлеуюн бузмайды, аурууну тереннге кетиуюне себеплик этмейди.  Аны себепли ол рецептсиз сатылгъан ауругъанны селейтген иги дарманнга саналады.

Алай аны аллай жумушакълыгъыны башха жаны да барды – кючлюлюгю бирсиледен эсе азды (дарман не къадар кючлю болса уа, аны саулукъда чыгъаргъан чурумлары да кёп боладылда). Аны ючюн анга обезболивающий угъай, болеутоляющий деген тюзюрекди.