Хайырланыучулагъа магъаналы билдириуле

Пособияны эмда ана капиталдан тёлеуню юсюнден

Социал фонддан билдиргенлерине кёре, бир кере берилиучю пособие эмда юч жылы толмагъан сабийге ана капиталдан хар ай сайын берилген тёлеу – ол сабийлери болгъан юйюрлеге социал болушлукъну башха тюрлюлеридиле. Аллай сабийи болгъан юйюр бир пособие ала эсе, кесини да къолайы жашау этерге жараулу ахчаны эки эм аз ёлчемине жетмей эсе, ата-анала аллай капиталдан тёлеу алыргъа эркиндиле. Аны этерча биринчиден къагъытланы бир пособиягъа берирге керекди, ызы бла уа ана капиталдан тёлеуге жазаргъа.

Налогну юсюнден СМС

Налог тёлеучюлеге ФНС женгил амал жарашдыргъанды: ала берликлерини, тазирлерини, борчларыны юсюнден смс неда электрон почтагъа письмо алып билирге боллукъдула. Аланы кварталгъа бир кере жибередиле. Аны ючюн хакъ алмайдыла.

Билдириуню алып турур ючюн, ФНС-ге айтыргъа керекди. Заявкада организацияны атын эмда ИНН-ын, инсанны атын бла тукъум атын, паспортундан информацияны, сора дагъыда СМС неда письмо келлик номерни бла адресни кёргюзтюрге. Бу жумушну тюзюнлей налог инспекциягъа барып неда аны сайтына кирип тындырыргъа жарайды.

Нотариусдан консультация

Къабарты-Малкъарда Кёп къырал эмда муниципал жумушланы тындыргъан аралада нотариусну жумушлары бла байламлы хакъсыз болушлукъ эмда консультация алыргъа боллукъду. Аны юсюнден МФЦ бла КъМР-ни Нотариус палатасы келишим этгендиле. Ол биригиуню келечилери МФЦ-ны бёлюмлеринде дежурство бардырлыкъдыла. Къайда эмда къачан ишлериклерини графигин бу сайтда табарыкъсыз: https://mfckbr.ru/news/poluchit-konsultaciyu-notariusa-mozhno-v-mfc