Адамлагъа болушлукъгъа – «Полина»

Сюд приставланы федерал службаларыны регионда управлениясындан эсгертгенлерича, адамланы жумушларын узакъдан толтуруу системаны чегинде, жалгъан интеллектни да хайырланып, «Полина» деген болушлукъчу ишлеп башлагъанды. Службагъа сёлешгенде, инсанны атын, тукъумун, къачан туугъанын эм къайда жашагъанын ол сорады.

 «Полина» сёлешгеннге толтуруучу производстволаны банкындан информацияны билдирликди, алай энчи данныйле бла байламлы соруула бар эселе, ИНН-ни бла СНИЛС-ни тарихлерин айтыргъа керек боллукъду.

Сервисни болушлугъу бла адам анга толтуруучу ишле ачылгъанларын бла къалгъанларын, борчларыны, мюлк бла байламлы ишлеге чек салыннганны, къыралдан тышында чыкъгъанда чырмаулагъа тюберигин да сораллыкъды. Андан сора да, «Полина» борчланы тёлерча реквизитлени, ахча белгиленнген жерге жетгенин бла жетмегенин да айтырыкъды. Аны номери: 8-800-30-30000.