Борчланы билирча – жангы амал

Жангы технологияла инсанны жашауун женгил этерге себепдиле, ол санда борчлары болгъанлагъа да. Ол мурат бла талай жылны «ФССП» приложение ишлейди, аны бла хайырланыу хакъсызды.

Анда ишлеп башлар ючюн, «Приложенияланы тюкенинде» излеу бардырылгъан тизгинде «ФССП» деп жазыгъыз, ол чыкъгъандан сора, аны        телефонугъузгъа салдырыгъыз. Аны бла бирге «Подпискала» алыргъа ыразылыгъыгъызны берсегиз, «Толтуруучу производстволаны банкындан» жангылыкъла сизге да келгенлей турлукъдула.

Приставланы федерал службаларыны регионда управлениясы белгисиз, ишеклик туудургъан жерледен приложенияны телефонугъузгъа салдырмазгъа чакъырады, ол хаталы болуруна къоркъуу уллуду. Официал приложенияда информация ючюн аз да ахча тёлерге керек тюйюлдю. Аманлыкъчыладан бютюн сакъланырча уа, антивирус программала да болушурукъдула.