Эл мюлк бла кюреширге сюйгенлеге - ортакъгъа жерле

КъМР-ни Жер эм ырысхы бла байламлы халла министерствосу республиканы иелигинде болгъан, кеси да эл мюлк бла кюреширге жараулу жерлени тизмесин басмалагъанды. Анда айтханларына кёре, бу иш республиканы Башчысыны коррупциягъа къажау туруу жаны бла оноуларын толтурур муратда ачыкъ халда бардырылады. Жерле Зольск, Чегем эмда Элбрус районлададыла.

Алай бла хайырланыучулагъа ортакъгъа кёп районлада битеу да 76 участка бериледи. Эм гитчеси 13,7 гектарлыкъды, ол Быллымдан алты километрден аз узакъдады. Бегирекда уллусуну ёлчеми уа кёп къалмай тогъуз жюз гектаргъа жетеди. Ол кеси да Хаймашада жайлыкъдады. Анда малчылыкъ бла кюреширге боллукъду.

Сейирлери болгъанла жерлени толу тизмеси бла интернетде басмаланнган документде шагъырейленирге боллукъдула: https://chegem.kbr.ru/news/informatsionnoe-soobshchenie/o-nalichii-svobo...