Тёлерге ашыкъмайдыла

2 августа, 2024 - 10:59

Къабарты-Малкъарда жашау журт-коммунал мюлк предприятияла хайырланылгъан ток ючюн «Россети Северный Кавказ» биригиуге танг кесек берликлери барды. Ол санда Нальчикде «Водоканал» эм уллу борчу болгъанладан бири. Бюгюнлюкде аны энергокюч бла жалчытхан биригиуге 354 миллион сом берлиги барды. Бир жылны ичинде ол жаланда 7,3 процентин тёлегенди.

Заманында тёлемегенлени хатасындан «Россети Северный Кавказ» ай сайын уллу къоранчла этеди. Социал магъаналы предприятияланы токдан кесерге жарамагъаныны хатасындан дау бла ахчаны алыргъа онг табылмайды.

Бирсилени уллу кёллюлюклери электрокюч комплексни ишине танг кесек заран салады. Ахча жетмесе, план бла тамамланылыргъа тийишли жумушлагъа тынгылы къаралмайды, ремонт этилмейди, оборудованияны да жангыртырча болмайды.  

Жарсыугъа, миллионла бла ёнкючлери болгъанла аны бир кесегини жабаргъа ашыкъмайдыла. Аны ючюн энергетикле болумну КъМР-ни таматаларына эм прокуратурасына билдирирге тюшедиле.

Бизни корр.
  • 21 просмотр
Поделиться: