Юйню багъасы къалай тюрленеди?

«Роскадастрны» регионда бёлюмюнде юйню неда фатарны кадастр багъасы нек тюрленнгени, энчи бир заманда ол къаллай бир боллугъун эм аны билир ючюн къырал тазир тёлерге керек болгъанын бла къалгъанын ангылатхандыла.

Кадастр багъа – ол тепдирилмеген мюклню энчи бир болжалда болумлагъа кёре багъасыды, аны хар субъектде бу иш ючюн жууаплы къырал бюджет организацияла тергейдиле. 2023 жылда капитальный къурулушну объектлерини багъасын чыгъарыуну бир жорукълары жарашдырылгъандыла, алагъа кёре алагъа жангы кадастр багъала тохташдырылгъандыла. Ары дери уа жангы багъала жер участкалагъа ала къайсы къауумлагъа киргенлерине къарамай берилгендиле. Бу ишни юсю бла республикада 309 мингден аслам жер участкагъа бла къурулуш объектге багъала тергелгендиле. Аланы эсеплери Тепдирилмеген мюлкню бир къырал тизмесине салыннгандыла.

«Роскадастрны» жер-жерли бёлюмюню башчысы Анна Тонконог белгилегенича, бу жангычылыкъны хайырындан битеу къыралда объектлеге бирча кадастр багъаны чыгъарыргъа боллукъду. Сора, тепдирилмеген мюлкню багъасы тёрт жылгъа бир кере саналырыкъды, федерал магъаналы шахарлада уа – эки жылгъа бир кере. Бу амал мюлклени иелерине бирча болумла, онгла береди. Эсигизге салайыкъ, кадастр багъагъа мюлк ючюн тазирни чыгъаргъанда, аны къырал неда муниципал иеликден сатханда неда хаух бергенде, ол жангы иеге ётгенде,  къырал тазирни тёлегенде, эм мюлк бла байламлы даулашла сюдге жетгенде эс буруллукъду.

- Законнга кёре тепдирилмеген мюлкге багъа чыгъарыуну болжалы белгиленнгенликге, аны кадастр багъасы алгъаракъ тюрленирге боллукъду. Аллай кезиуле халатланы тюзетгенде неда тюрлениуле кийирилгенде чыгъадыла, - дейди Анна Тонконог. – Фатарланы, юйлени неда жерлени багъалары 30 эм андан кёп процентге азайтылса, кадастр багъалагъа тюзетиуле этилмей къаллыкъ тюйюлдюле. Быллай кезиуледе кадастр багъаны Тепдирилмеген мюклню бир къырал тизмесинде болгъан багъаладан уллу этерге жарамайды.

Кадастр багъаланы юслеринден билдириуле Росреестрни сайтында  дайым басмаланадыла. Алай информация энчи бир кюнде эм документ халда керек эсе, аны алыуну юсюнден  къырал жумушланы порталында эм МФЦ-лада заявка берирге боллукъду., аны ючюн тазир тёленмейди. Къырал жумушланы порталындан алыннган документни къагъытха кесигиз тюшюрмегиз, нек дегенде артда аны законлу кючю боллукъ тюйюлдю. Аны МФЦ-ны ишчиси паспортугъузну бла заявлениягъызны номерин кёргюзтсегиз берликди. Электрон халда уа документ талай минутдан башлап юч кюннге дери хазыр этилликди.