Мектеплени эм миги сайтлары сайланнганды

Бу кюнледе жангы Россейли университет бла «Жарыкъландырыу» кампанияны къауумлары битеуроссей школ сайтланы рейтинглерини эсеплерин чыгъыргъандыла.  Быйыл бу эришиулеге къыралны  84 субъектинден 7331 сайт заявкаларын ашыргъандыла, алай,  экспертлени тинтиулеринден сора,  конкурсха къатышыргъа 69 субъектден 2602 сайт эркинлик алгъанды. Аланы араларында рейтинглени битеу излемлерине келишген  эм кёп балл алгъан 1314 сайт болгъанды. 

Бизни республикадан 46 сайт къатышханды. Ала быйыл информация-коммуникация сервисле бла байламлыкъда ишлеуню кёргюзтгендиле. Экспертле школла аны бла къалай хайырланнганларын эмда келген соруулагъа жууапла бла ангылатыула къалай берилгенлерин тинтгендиле. Анда  Хасанияны 16-чы орта билим бериу мектеби эм бийик жюз балл алып, республиканы школларыны араларында алчы жерге тийишли болгъанды.