Жаш гёжефлерибиз - алчыла

Бу кюнледе къатыш единоборстволадан халкъла аралы эришиу къуралгъанды, анга СКФО-ну республикаларындан, Краснодар крайдан бла Ставропольдан 150-ден аслам жаш спортчу къатышхандыла.

Сермешгенлени араларында «Эльбрус» клубубузну келечилери да болгъандыла, ала кеслерини ауурлукъ эм жыл сан къауумларында аслам алчы жерге да чыкъгъандыла. Алай бла алтын майдалланы Кючмезланы Айдар бла Имран Мендекеев алгъандыла. Тебердиланы Тамерлан – экинчи, Отарланы Алан а ючюнчю болгъандыла.

Спортчуланы тренер Жантуудуланы Азамат юйретеди.