Реабилитация керекле къалай бериледиле

Законодательствогъа тийишлиликде, сакъат адамлагъа реабилитация эм протез-ортопедия кереклени (ТСР) кеслерин неда аланы орунларына электрон сертификатланы сайларгъа эркинлик бериледи. Электрон сертификатны алыргъа сюйгенлеге Социал фонд каталог жарашдыргъанды, анда тизмеде реабилитациягъа жараулу 270 зат барды. Бу жумушну элеткрон амал бла толтурургъа да жарайды. Сайтда, инсан кесини ахчасын жойгъан эсе, компенсацияны ёлчемин тергерге эм башха хайырлы информацияны табаргъа боллукъду. Электрон сертификат бла реабилитация керек иесине 8 кюнню ичинде тапдырыллыкъды, аны келишимге кёре алыугъа уа 3 айгъа дери кетерге боллукъду. ТСР-ле бла жалчытыуну юсюнден заявканы къырал жумушланы порталында онлайн халда, фондну бёлюмлеринде бла МФЦ-лада  толтурургъа жарайды.

Быйылны аллындан башлап Россейни Социал фондуну Къабарты-Малкъарда бёлюмю 1967 адамны реабилитация эм протез-ортопедия керекле бла жалчытханды, ол муратлагъа 97 миллион сом бёлгенди. Бу ахчагъа 400 мингден аслам кресло-коляскала, эшитирча аппаратла, таякъла, ходунокла, ортопедия чурукъла, кюн сайын саулукъларын сакълауда хайырланылгъан эм башха затла алыннгандыла. 1173 инсан реабилитация кереклени кеслери алгъандыла, сакъатлыгъы болгъан 240 адам а электрон сертификатланы сайлагъандыла эм алай бла саулукъларын тюзетиуге керекли затланы кеслери тёлегендиле. Дагъыда 354-леннге уа ары дери алыннган кереклерине жоюлгъан ахчалары къайтарылгъанды, алагъа 83 минг сом берилгенди.