Иссиде бютюн уллу сакълыкъ изленеди

Нальчикде Гидромет араны билдириуюне кёре, бу кюнледе Къабарты-Малкъарда къызыу боллукъду, от тюшюуге къоркъуу бешинчи классха дери ёсерикди. Аны бла байламны МЧС-ни регион бёлюмю адамланы сакъ болургъа чакъырады эм быллай эсгертиуле этеди:

- бек иссиде кёп турмазгъа кюрешигиз;

- сууну ичгенлей туругъуз;

- кеф этдирген ичгилени хайырланмагъыз, алада адамны чархында сууну къурутадыла;

- солуй-солуй ишлегиз, талай минутну солуу къарыу жыяргъа болушурукъду;

- къолларыгъызны, аякъларыгъызны сууукъ суугъа салыу да температурагъызны тюшюрюрге себеплик этерикди;

- къызыудан санларыгъыз къарыусуз эте эселе, акъыртын кёп суу ичигиз, салкъыныракъ жер табып, алайда солугъуз.