Ариулукъну сездире

17 июля, 2024 - 16:35

Сокъурланы эм осал кёргенлени Къабарты-Малкъар Республикада библиотекаларыны ишчилери окъуучуларына не жаны бла да болушургъа кюрешедиле. Бу къауумну кёзлери кёрмегенликге, ала Нальчикде болгъан кёрмючлени юслеринден хапар эшитирге сюедиле. Аны эсге алып, Миллет музейни специалистлери сейирлик экскурсия къурагъандыла: экспонатланы сокъурланы къолларына берип, аланы юслеринден айтхандыла. Сёз ючюн, озгъан ёмюрледе бизни республиканы халкълары жашау турмушларында хайырланнган затла бла шагъырейлендиргендиле.

Скульптураланы алсакъ да, аланы жаланда кёргенден сора, къолгъа алып, ариулукъларын сезерге боллукъду.

Сёзсюз, библиотеканы бла музейни ишчилери бек сууап иш этгендиле. Къайсы адам да жангы затны билирге, кёрюрге, дунияда бола тургъан ишлеге къатышыргъа итиннгенлей турады.

Байсыланы Марзият.
  • 54 просмотра
Поделиться: