Каратечилерибиз – алчыланы санында

Пензаны «Воейков» единоборствола арасында каратеден Россейни окъуучуларыны онекинчи жай спартакиадаларыны ахыр эришиулери бардырылгъандыла. Алагъа Россейни 33 субъектинден 16-17-жыллыкъ жюзден аслам адам къатышханды.

Спортчула каратени «кумитэ» – сермешле эм «ката» - техника упражненияланы къаууму бёлюмлеринде сынашхандыла. Эсеплеге кёре республикабызны келечилери юч майдал къытхандыла. Биринчи жерлеге Арнелла Губашиева (48 кг.) бла Ислам Кебишев (61 кг.) чыкъгъандыла, Текуланы Алий (55 кг.) экинчи болгъанды. Битеукоманда зачётда бизни къауумубуз ючюнчю тизгинде орналгъанды, биринчи эки жерни уа Москваны бла Москва областьны келечилери алгъандыла.