Къашхатауну таурухларындан бири

Бу кюнледе къолума 1962 жылда чыкъгъан «Малкъарлыланы дилектологияларын, лексикаларын эм фольклорларын тинтиу жаны бла илму материалла» деген китап къолума тюшгенди. Сейир китап... Кёчгюнчюлюкден къайтхан таматаларыбыздан миллетибизде жюрюген айтыуланы, таурухланы жазып алыннганлары бек магъаналыды. Тынгылы илму жыйымдыкъ фольклорубузну сакъланыууна уллу къошумчулукъ болгъанды дерчады. 

Сёз ючюн, биз сизни Къашхатауну юсюнден таурухладан бири бла танышдырыргъа сюебиз. Ол бу китапны 45 бетинде бериледи.

... Алгъын заманда голу этиуцю эдиле. Ары тойгъа бир заш келгенди...Зыккыл болгъанды юсю. «Анга боза ициригиз», -деген эдиле. Тойда аны къыз тутаргъа унамагъанды: «Зыккылды», -деп. Сора ол тешиннгенди – бир да къалмай алтын бла кумюш!Сора ол сюйген къызын тутуф тефсеф келиф, къызны алып, къашха атха миниф, алыф къацханды. Ызындан къуугъандыла, зеталмагъандыла ансы. «Къашхатау кибик, аты да бош къаллыкъ», -дегендиле... Жерибиз алай Къашха-Тау болгъанды».