Социал магъаналы мекямла игилендиредиле

Прохладнада «Иги шахар болум къурау» проектге кёре социал магъаналы беш объектни игилендирип кюрешедиле.

Сёз ючюн, шахарны администрациясыны аллында майдан тапландырылырча былтыр ючюнчю битеуроссей конкурсда 7 минг тюзюнлей халда къол кётюргендиле. Мында, аслам адам къатышып, уллу акцияла, байрамла эм концертле барадыла. Ол себепден аны айбатлы болуру жамауатха бек магъаналыды.

Дагъыда Ленин, Емельяненко, Карл Маркс эм Медовый орамлада кёп фатарлы жашау журтланы арбазларына тынгылы ремонт этиледи. Аны кезиуюнде игилендириу ишле комплекс халда тамамланырыкъдыла. Ол санда асфальтны жангыртырыкъдыла, тротуарла, кир-кипчик атарча орунла, шинтикле, чыракълы чыпынла саллыкъдыла эм тёгерек башны жашиллендирликдиле. 

Эсге сала айтсакъ, сагъынылгъан программаны чеклеринде алты жылны ичинде Прохладныйде 46 чакълы кёп фатарлы жашау журтну арбазы бла жамауат аслам хайырланнган 11 объект жангыртылгъанды.