Эм уллу мектепледен бири

 Нальчикни «Восточный» микрорайонунда «Билим бериу» миллет проектге кёре 1,5 минг окъуучугъа жангы мардалагъа келишген юч къатлы мектеп ишленнгенди.

Аны уллулугъу 22 минг квадрат метрге жетеди. Ол санда 804 жерге актовый залы, 750 адамгъа ашханасы, 45 окъуучугъа китапханасы, робототехникадан арасы, физкультурадан бла спортдан жараула бардырырча заллары да бардыла. Мектепни арбазында уа футбол, баскетбол, волейбол, жараула бардырырча эм сабийле ойнагъан майданла бардыла.

Бусагъатда школда тёгерек-башны жыйып, мебель керекни эм башха затланы да жерлерине тапдырып кюрешедиле.

Эсге сала айтсакъ, шахарда «Восточный» микрорайонну къурулушу он жыл мындан алгъада башланнганды эм ол комплекс халда ишленеди. Жашау журтла бла бирге социал учреждениялада салынадыла эм тёгерек-башны да тапландырадыла.