Казбек Коков школчуланы окъууларын бошагъанлары бла алгъышлагъанды![]() КъМР-ни Башчысы Казбек Коков Къабарты-Малкъарны школчуларын мектепледе окъууларын бошагъанлары бла алгъышлагъанды. Багъалы жашла бла къызла! Бюгюн республикабызда сиз мектепледен окъуп чыкъгъаныгъызгъа жораланнган къууанчла ётерикдиле. Хар биригизге да ол унутулмазлыкъ кезиудю. Сиз школдан айырыласыз, устазларыгъызгъа бла насийхатчыларыгъызгъа ачыкъ жюрекден «Сау болугъуз!»,-дейсиз. Сизни, устазларыгъызны, ата-аналарыгъызны да бу къууанчлы кюн бла жюрегимден къызыу алгъышлайма! Энди сиз жашауугъузну жангы кезиуюне киришесиз, алай мындан ары жетишимлеригизни мурдорун школ жыллада алгъан дерслеригиз тутханларын а унутмагъыз. Сизни билимли, адепли да ёсдюрюуге уллу къыйын салгъан устазларыгъызны да эсде тутугъуз. Сизге усталыкъны, жашау жолну да сайларгъа тюшгенди. Къайсы ыз бла барсагъыз да, не заманда да бийик даражагъа жетерге кюрешигиз, къыйынлыкъладан къоркъмагъыз, тыйгъычлагъа тюбегенлей къолларыгъызны бошлап къоймагъыз. Ма ол заманда муратларыгъызгъа жеталлыкъсыз, атыгъызны да иги бла айтдыраллыкъсыз. Туугъан Къабарты-Малкъарыбызны бла сюйген Россейибизни келир заманларын къурарыкъла да сизсиз. Кёп да бармай республикабызны бла къыралыбызны айныуларына сиз уллу юлюш къошханыгъызны юсюнден эшитип, сизни бла ёхтемлениригибизге ишексизме. Барыгъызгъа да кийик саулукъ, жюрек ырахатлыкъ тежейме. Битеу муратларыгъыз бла башламчылыкъларыгъыз толсунла! Ахшы жолгъа, багъалы жашла бла къызла!»,- деп айтылады КъМР-ни Башчысыны алгъышлау сёзюнде.
Поделиться:
Читать также:
13.02.2025 - 14:26 →
Казбек Коков жаш тёлю къымылдауну башчылары бла тюбешгенди
30.01.2025 - 15:57 →
КЪАБАРТЫ-МАЛКЪАР РЕСПУБЛИКАНЫ БАШЧЫСЫНЫ УКАЗЫ
30.01.2025 - 15:53 →
КЪАБАРТЫ-МАЛКЪАР РЕСПУБЛИКАНЫ БАШЧЫСЫНЫ УКАЗЫ
27.01.2025 - 12:27 →
«Ленинградны жигитлерине - ёмюрлюк махтау!
25.01.2025 - 08:39 →
«Муратланы толтурур ючюн битеу кючюбюзню салып урунургъа керекбиз»
|