Сабийлени къоруулауну халкъла аралы кюню бла алгъышлауу

Къабарты-Малкъар Республиканы Башчысы К.В. Коковну

Сабийлени къоруулауну халкъла аралы кюню бла алгъышлауу

Къабарты-Малкъарны хурметли жамауаты!

Битеу жюрегимден Сабийлени къоруулауну халкъла аралы кюню бла алгъышлайма. Юйюрге бла сабийликге себеплик къыралыбызны политикасыны баш магъаналы ызларындан бириди.

Къыралыбызны Президенти Владимир Владимирович Путинни башламчылыгъы бла 2024 жыл Россейде Юйюрню жылыча белгиленеди, «Юйюр» деген жангы миллет проект ачылады, туугъандан башлап 17-жыллыкъларына дери сабийлеге тюрлю-тюрлю тёлеуле бериледиле. Былтыр аллай себеплик Къабарты-Малкъарда 150 мингден артыкъ сабийге этилиннгенди.

Бюгюнлюкде сабийлени окъуу эм чыгъармачылыкъ, тин эм спорт жаны бла айныуларына ахшы болумла къураргъа итинебиз. Республикада школла бла сабий садла, маданият эм спорт мекямла, сабий чыгъармачылыкъ арала эмда поликлиникала тири халда ишленедиле. Мындан арысында да ол ызда барлыкъбыз, хар гитчени сабийлиги насыплы болур ючюн кюреширикбиз, деменгили Ата журтубузну тийишли инсанлары болурча, фахмуларын бла хунерлерин ачыкъларгъа, къолайлыкъларын хайырлана билирге болушурукъбуз.

Бу жарыкъ кюнде ата-аналагъа, устазлагъа, насийхатчылагъа, социал эм медицина ишчилеге, битеу да сабийлеге къайгъыргъанлагъа тёзюмлюлюклери эм жюрек жылыулары, ёз Къабарты-Малкъарны бла Россейни келлик заманларына къыйматлы юлюш къошханлары ючюн ыразылыгъымы билдирирге излейме.

Битеу жюрегимден сизге эмда сизни юйюрлеригизге саулукъ-эсенлик, ырахатлыкъ бла огъурлулукъ тежейме.