Хунерликлерин, чемерликлерин да кёргюзтгендиле

Россейни аманлыкъчыланы терсликлерине жолукъдурууну федерал службасыны КъМР-де Управлениясыны 4-чю номерли колониясында Юйюрню жылын белгилегендиле. Тиширыула кеслерини фахмуларын кёргюзтгендиле – юйюрню, сюймекликни, сабийлени юслеринден жырла айтып.

 Дагъыда колонияда «Леди прелесть - 2024» конкурс да бардырылгъанды. Анга къатышханла уа 6 бёлюмде эришгендиле: тиширыула  тикгенлерин,   къаллай сабий оюнла билгенлерин ачыкълагъандыла. Эришиулеге къатышхан 20 тиширыудан жюри  айырмалыны сайлагъанды. Анга диплом эм татлы ашарыкъла саугъаланнгандыла.

50 жылдан тамата тиширыула уа эшип, аш хазырлап, тигип усталыкъларын кёргюзтгендиле.