Аманлыкъчы ишлерин тыйгъандыла

Наркотиклени законсуз сатыу-алыугъа къажау излеу-тинтиу мадарланы толтургъан кезиуде РФ-ни ФСБ-сыны КъМР-де Управлениясыны къуллукъчулары ич ишле органланы келечилери бла бирге тыш къыралладан бирини эки инсаныны аманлыкъчы ишлерин тыйгъандыла. Ала тыш къыралладан республикагъа наркотиклени ташыуну къурагъандыла. Законсуз сатыу-алыудан «мефедрон» уулу зат сыйырылгъанды, аны ауурлугъу 178 граммгъа жетеди, деп билдиргендиле бизге УФСБ-ны пресс-службасындан.

Чегем районну сюдю терсленнгенле РФ-ни УК-сыны 30-чу статьясыны 3-чю кесегине, 228.1-чи статьясыны 4-чю кесегини «а» эм «г» пунктларына бузукълукъла этгенлерин тохташдырып, аладан бирини эркинлигин 11 жылгъа, экинчисини уа 9 жылгъа сыйырыргъа деген оноуну чыгъаргъанды. Ол кючюне киргенди. Ала къаты низамлы колонияда тутуллукъдула.