Полициячыла бла кадетле терекчикле орнатхандыла

Бу кюнледе Черек районну ОМВД-сыны кадр эм штаб бёлюмлери, къыралавтоинспекциясы, участковыйлери  эм акъылбалыкъ болмагъанланы ишлери жаны бла инспекторлары,  муниципалитетни ич ишлерини Жамауат советини  келечилери  Уяналаны Виктор бла

Жаболаны Жабраил эм Бабугентни 2-чи номерли кадет школ-интернатыны окъуучулары Аналаны Ахмат, Руслан Хашев эм Аслан Бекулов  «Лес Победы» битеуроссей экология-патриот  акциягъа къатышхандыла. 

Аны чеклеринде Къашхатауда  1942 жылда бу жерле ючюн сермешледе жан берген къызыл аскерчилеге жораланнган   «Мемориал Славы» эсгертмени аллында  туячыкъла орнатхандыла. 

Жыйылыуда полициячыланы жамауат советини таматасы Уяналаны Виктор, быллай акцияла жаш тёлюню патриот сезимде юйретиуде  ахшы себеплик этгенлерин черте:  «Жаш тёлю бла бирге  Уллу Ата журт урушну жигитлерине жоралап терекчикле орнатханбыз,  ол заманланы юсюнден  хапарла айтханбыз. Аны  бла    арада байламлыкъ кючленнгенден сора да,  ала табийгъатха ие кёзден къараргъа эм тарыхларын да багъаларгъа юйренедиле», - дегенди ол.