Энтта да бир ясли ишлеп башларыкъды

Нальчикде онекинчи номерли орта школну мурдорунда жангы ясли ишленип бошала турады. КъМР-ни Къурулуш эмда жол мюлк министерствосундан билдиргенлерича, аны узунлугъу элли метрден артыкъ боллукъду, эни уа онюч метрге жете къаллыкъды. Ол хайырланыугъа берилсе, анда эки къауумгъа бёлюнюп жыйырмашар сабий жюрюрюкдю. Алагъа деп яслиде хар неда къураллыкъды: тюрлю-тюрлю отоула, физкультура бла кюреширча зал, ашхана, методика эмда медицина кабинетле. Ол кеси да школгъа узун галерея бла къошуллукъду.

Объектде ишлени кёп къалмай бары да тамам этилгенди. Подряд организацияны специалистлери шёндю аны тёгерек-башын тап халгъа келтирип бошай турадыла. Ясли бу айны ахыр кюнлеринде ишлеп башларыкъды.