Грантха кёре – социал-культура ара

Къабарты-Малкъар  Республиканы кёзлери иги кёрмегенлени библиотекасыны таматасыны Жанна Хамдохованы  проекти РФ-ни Президентини грантына тийишли болгъанды. Жууукъ заманда анга кёре сокъурлагъа бла кёзлери иги кёрмегенлеге социал-культура ара ишлерге мурат барды.

Бюгюнлюкде республиканы  театрларыны эмда чыгъармачылыкъ окъуу учрежденияларыны келечилери  библиотекагъа келгенлеге концертле кёргюзте турурча келишим этилгенди. Проектни хайыры бла чекленнген онглары болгъанлагъа   арада   сейирлерине кёре  биригиуле къураллыкъдыла,  КъМР-ни Къырал филармониясыны, Искусстволаны Шимал-Кавказ институтуну, театрланы чыгъармачылыкълары бла  шагъырейленирча  амал да тапдырыллыкъды.