|
Жангылыкъла
26 июля, 2019 - 09:20
Кёп болмай, Нальчикни ара паркында Комсомолчуланы аллеясында Тарчоковдан Канукоев орамгъа дери, кече жарытырча чыракълары бла 59 чыпын орнатхандыла.
24 июля, 2019 - 08:26
Кёп болмай Бахсанны ара поликлиникасына тынгылы ремонт этип башлагъандыла. Саулай ишлеге 6,5 миллион сом къоратыллыкъды.
Мекямгъа иги кесек заманны къаралмагъаны ючюн ол тозурап халек болгъан эди. Энди аны башын, тыш къабыргъаларын жангыртырыкъдыла эм мурдорун да кючлерикдиле.
Бу кюнледе мында ишле къалай баргъаларына къараргъа КъМР-ни саулукъ сакълау министри Марат Хубиев да келгенди.
Къырал кереклени сатып алыуну сайтында билдирилгенича, проектге ахчаны предпринимательле эмда башхала бергендиле. Ол санда «Наши окна 07» фирма бла келишим этилгенди.
24 июля, 2019 - 08:22
Адам талай тюрлю жумушлагъа этген къоранчларыны бир кесегин артда къыралгъа тёлеген налогдан къайтарыргъа боллукъду. Бу жол сёз мында дарман сатып алыуну юсюнден барады. Эсге сала айтсакъ, быйылгъа дери РФ-ни Правительствосуну бегими бла къабыл этилген тизмеге тюшген препаратланы алгъанлагъа къайтарылыучу эди къоранчларыны бир кесеги. Алай энди уа ары дарманланы бары да киредиле. Аланы жаланда врачны рецепти бла сатып алыргъа керекди, деп билдиргендиле федерал налог службаны Къабарты-Малкъарда Управлениясындан.
24 июля, 2019 - 08:20
Быйыл сентябрьде Терк районда энтта да эки ясли ишлеп башларыкъды. Муниципалитетни жер-жерли администрациясындан билдиргенлерине кёре, бу объектлени къурулушу шёндю барады.
24 июля, 2019 - 08:10
Россей Федерацияда «Энергияны аяуну, энергетика къыйматлыкъны кючлендириуню эмда талай законнга тюрлениуле сингдириуню юсюнден» 261-ФЗ номерли федерал закон 2009 жылда 23 ноябрьде къабыл этилгени бла фатарланы эмда юйлени иелери электрокючню эмда таза сууну эсеплеген приборланы орнатыргъа борчлудула.
24 июля, 2019 - 08:08
Минги тауну тийресиндеги сейир да, тамаша да табийгъат бизни уллу байлыгъыбызды деп таукел айтыргъа боллукъбуз. Бюгюнлюкде Миллет паркны жеринде агъач 9 минг гектарны алады. Ол битеу тийрени ондан бирин тутады. Асламысында мында нарат бла къайын терекле ёседиле.
19 июля, 2019 - 08:19
Россейни кийик табийгъатны къоруулау жаны бла фонду эм КъМР-ни Табийгъат байлыкъла эмда экология министерствосу Къабарты-Малкъарда багъалы агъачны 30 гектар чакълы бирин къоратылырындан сакълагъандыла, деп айтылады организацияны сайтында.
19 июля, 2019 - 08:17
КъМР-де МВД-ны наркотиклеге къажау управлениясыны полициячылары, Нальчикде УМВД-да коллегалары бла бирге саулукълары осал сабийчикле бла жандауурлукъ акциягъа къатышхандыла.
17 июля, 2019 - 10:05
Интернетде Россейни Пенсия фондуну официал болмагъан сайтлары жайылгъандыла. Алада социал тёлеулени юслеринден ётюрюк информация бериледи, ала тамамланнган жумушла да сагъайтадыла.
17 июля, 2019 - 09:55
КъМР-ни Экономиканы айнытыу министерствосундан билдиргенлерине кёре, «Демография» миллет проетни чеклеринде Къабарты-Малкъарда беш регион проект бардырылады.
Страницы
|