Экономика

«Нальчик» курортну, кесини йод-бром, сероводород, азот-жылы  суулары, Тамбукан кёлню дарман балчыгъы бла саулай къыралда окъуна алчы курортладан бири болургъа, алгъын  жылладача, бийик даражасын артха къайтарыргъа амалы барды. Республиканы быллай онгларыны, аланы толуракъ хайырланыуну юсюнден РАЕН-ни академиги, РФ-ни илмусуну сыйлы къуллукъчусу Пшикан Таов айтады.

Майский шахарда сууланы тазалаучу объектлени къурулушу барады. Бу иш «Эл тийрелени комплекс халда айнытыу» деген къырал программаны хайырындан башланнганды, деп билдиргендиле районну администрациясыны пресс-службасындан.

Эл мюлкню айнытыуну юсюнден айтханда, аны баш бёлюмлеринден сора да, сёз ючюн битимчиликден, малчылыкъдан, къырал, мен оюм этгеннге кёре, башха сфералагъа да тийишли эс бурургъа керекди, дейди РАЕН-ни академиги, РФ-ни илмусуну сыйлы къуллукъчусу Пшикан ТАОВ. Алим айтханнга кёре, сёз мында жюзюмчюлюкню, тау районлада терек бахчаланы къурауну, бал чибинлени жайыуну, наныкъланы ёсдюрюуню юслеринден барады. Дарманлы битимлени, хансланы бир-бир тюрлюлери фармацевтика, парфюмерия промышленностьда хайырланыргъа боллукъдула.

Россельхозбанкны отраслевой экспертиза этиу арасы бизни къыралда алмала сатыу рынокну онгларын сюзгенди. Терк айныгъан терек бахчала проектлери бла белгиленнген кюч бла ишлеп башларыкъларына кёп къалмагъанын эсге алып тергегенде, 2024 жылда быллай продукцияны производствосу 1,2 миллион тоннагъа жетерге ушайды. Андан бир миллиондан асламырагъын а ахыр беш жылны ичинде къуралгъан бахчала берликдиле, деп билдиргендиле Арадан.

Заманны буйругъу

Къайсы экономикада эмда магъаналы жерни инвестицияла аладыла. Аланы хайырындан производствону аякъландырыргъа, кенгертирге, конкуренциягъа чыдамлы товарла чыгъарып тебирерге, сурамы иги болгъан жумушланы тамамларгъа онг табылады.

Коронавирус инфекцияны жайылыуун азайтыр муратда Пенсия фондну клиент службаларына барырдан алгъа жазылыргъа тийишлиди. Алада жангызда энчи кабинетни неда къырал жумушланы порталында тамамларгъа онг болмагъан ишлени толтурургъа жарарыкъды. Приёмгъа электрон сервис бла неда фондну сайтында берилген телефонлагъа сёлешип жазылыргъа боллукъду.

«ЖКХ Контроль» организацияны толтуруучу директору Светлана Разворотнева айтханнга кёре, тарыгъыуланы санында хар жыл сайын биринчи жерни жашау журт-коммунал жумушла ючюн тёлеуле аладыла.  Адамла, бек биринчиден, бу тёлеуле дайым нек ёсюп турадыла деп сорадыла. Экинчиден а, ала къалай тергелгенлерин эмда саулай алып айтханда, не ючюн тёлегенлерин билирге сюедиле.

Бизни республикада адамла бал чибинлени не заманда да тутхандыла. Эртте эмда Совет Союзну заманларында да бу иш кёплеге файда келтире эди. Анга мындагъы табийгъат, битимлени тюрлюлюгю, хауаны тазалыгъы да иги себеплик этеди.

Энчи предпринимательство бла кюрешгенле къайсы къыралны, регионну да экономикасында энчи жерни аладыла. Бу сферада къармашханлагъа себеплик этиу бла бирге къырал аланы сейирлерин къоруулауну да тамамлайды. Къабарты-Малкъарда бизнес бла кюрешгенле бла ишлеу къалай баргъаныны юсюнден предпринимательлени эркинликлерин къоруулау жаны бла Уполномоченный Юрий Афасижев бла алгъаракълада ушакъ этгенбиз.

Быйылгъы жыл башланнганлы Къабарты-Малкъарны жарашдырыучу производствосунда  6,5 миллиард сом багъасына иш этилгенди, деп билдиргендиле КъМР-ни Эл мюлк министерствосуну пресс-службасындан. Былтырны биринчи кварталы бла тенглешдиргенде, аш-азыкъ эм жарашдырыучу  промышленность продукция 20 процентге кёбейгенди.