Календарь событий

Жетишемиди Къабарты-Малкъарда йод? Ол адамны саулугъуна бек керекли элементледен бири болгъаны белгилиди. Аны юсюнден Огъары Малкъарда больницаны баш врачы Чаналаны Аслижан бла ушакъ этгенбиз.

Жай кезиу къурулуш бла кюреширге тийишли заманды. Аны къайсы тюрлюсю да женгил тюйюлдю, кеси да саулукъгъа кёбюсюнде къуру ауур деген бла къалмай, таууш, букъу, ийисле бла заран салады.

Россейни байрагъыны кюнюн «Машук» битеуроссей жаш тёлю форумгъа къатышханла Пятигорскну эм бийик жеринде - Машук тауну башында белгилегендиле.

«Машук» форумгъа къатышханла бла «Ичгичиликге бла наркоманиягъа къажаулулукъ бла» битеуроссей жандауурлукъ фондну Ставропольда бёлюмюню башчысы Кишиликни орденини кавалери «Доброград» жыйылыуну къурагъан Валерий Митрованенко тюбешгенди.

Россейни къырал байрагъыны кюню бла байламлы байрамны аллында  Россейни халкъларыны ассамблеясыны регион бёлюмюнде Халкъла аралы черкес ассоциация, Агропромышленный  комплекс чыгъаргъан продукцияны качествосуна багъа берген ара эмда  республиканы Маданият фонду сейирлик тюбешиу къурагъандыла.

Быйыл жылны аллындан бери «Россети Северный-Кавказ»-«Каббалкэнерго» биргиуню келечилери 10/0,4 кВ. кюч берген 53 подстанциягъа ремонт этгендиле,  деп билдириледи электрокюч бла жалчытхан биригиуню пресс-службасындан.

Бызынгыда  бу кюнледе  «Спорт- жашауну мардасы» деген федерал проектге тийишлиликде  «Жашауну узакъгъа созуу» программаны чеклеринде  спорт залны къурулушу башланнганды, деп билдиргендиле  Черек районну администрациясыны пресс-службасындан.

Мындан алгъа татыулу ашарыкъланы  сайлар мурат бла бардырылгъан битеуроссей  онлайн конкурсда таулу халкъны миллет хычини эм даражалы жерледен бирни алгъан эди. Сёзсюз, ол шартха  кёпле къуаннгандыла, миллет ашарыкъларыбызны андан да ары битеу къыралгъа белгили  этерча амалланы излеп башлагъандыла, ол жаны бла ишлерин бардыргъан тири жашларыбыз бла къызларыбыз.

Шимал-Кавказны статистика управлениясындан билдиргенлерича, быйыл жылны башындан бери Терк районда   эл мюлк организацияла, элчи фермер мюлкле эм энчи иелиле тууарны бла юй къанатлыланы этинден (союлмагъан ауурлукъда) 600 минг тонна чаклы сатхандыла.  Былтыр бу заман бла тенглешдиргенде, ол 2,4 кереге кёпдю. 

Быллымда жашагъан Шауаланы Назирни жашы Исмайыл баш борчуна туугъан жеринде хайыр келтириуню санагъан адамларыбыздан бириди. Бу элни хар орамында абаданы, гитчеси да таныйдыла аны. Бирле Исмайылны низамлы, тюзлюкню сюйген, анга итиннген устазныча биледиле, бирле уа – акъыллы, сабыр жолдашларынча, эллилени асламысы уа – не сорууда да ышаныргъа боллукъ, сёзюню багъасын ангылагъан, анга кертичи болургъа сюйген адамныча. Бизни уа туугъан жерингде келишген деп, анычалагъа айта болурла деригибиз келеди.