Календарь событий

Инфраструктураны айнытыу – экономика ёсюуню бла халкъны жашауун игилендириуню баш магъаналы шартларындан бириди. Ол темагъа жораланнганды Къабарты-Малкъарны Башчысы Казбек Коков бла ыйыкъ сайын бардырылыучу интервью. Ушакъ майдан бу жол Нальчик халкъла аралы аэропорт болгъанды. Казбек Коков Регионнга оноу этген араны таматасы Мадина Кадыкоева бла ушакъда жол ызланы тапландырыуну, транспорт бла жетишдирилиуню эмда жамауат улоуланы жангыртыуну юсюнден хапарлагъанды. Аны юсюнден республиканы таматасыны МАХ-да каналында айтылынады.

 Усталыгъын да ёсдюрюп, кесини тининде сабийни къалай сакъларгъа боллугъуну юсюнден «Машук» форумгъа къатышханлагъа Билим бериуню россейли академиясыны лабораториясыны башчысы, педагогика илмуланы доктору доцент Елена Илалтдинова айтханды.

МВД-ны «Нальчик» бёлюмюню уголовный розыскыны келечилери оператив-излеу ишни чеклеринде тырныауузчу биреуленни тутхандыла. Ол адам тёлеу затланы законсуз хайырланыуда терсленеди, деп билдиргендиле Къабарты-Малкъарда МВД-ны пресс-службасындан.

Законодательствогъа кёре, счётчикни  болжалы озгъан эсе, кёк отлукъ ючюн   нормативлеге кёре тёлерге тюшерикди. Ол прибор кёргюзтгенден   иги да кёбюрек болады. Аны себепли хар адам да кеслери  анга заманында эс бурургъа эм  показанияланы билдирирге тийишлидиле. Бу жаны бла бузукълукъ этилсе, ол санда юсюнде пломбасы юзюлсе неда башха хата жетсе, нормативлеге кёре тёленнген ахчагъа  перерасчёт  этилмейди. 

Адам баргъан  жеринде кёрген, эшитген затларын унутмайды, заман озгъанлыкъгъа, эсине тюшюреди, жазып басмаларгъа онг болса туура этеди  Жолоучулукъ аламат затды, не кёп заман ётсе да унутмайса анда кёрген жерлени, танышхан адамланы. Он беш жыл мындан алгъа Тюркню Ялова шахарында бардырылгъан халкъла аралы тепсеу фестивалы  юсюнденди хапар. Байрам бошалгъандан сора,   къарачайлыла бла малкъарлыла жашагъан Чифлик элге барыргъа излейбиз.

Россейни Саулукъ сакълау министерствосу 10-16 августда жюрекни эм къан тамырланы аурууларындан сакъланыуну ыйыгъын бардырады.  Ол а осал къылыкъла, керексиз жарсыула адамны саулугъуна салгъан хатаны эсгертирге ахшы заманды.

Макъамчы, жырчы, къобузчу, Бабугент элни орта школуну устазы – Бёзюланы Алим керти дуниягъа кетгени кёплени айтып-айтмазча жарсытхан эди. Алгъаракълада аны халкъыбызны жыр хазнасын айнытыугъа салгъан къыйыныны, адамлыгъыны юсюнден материалны бизге КъМР-ни маданиятыны сыйлы къуллукъчусу Этчеланы Музафар жазып жибергенди. Биз да бюгюн, Алим къарындашыбызны хурметлей, ол дуниясы жарыкъ болсун деп, аны газетибизни бетлеринде энтта бир эсгеребиз. 

Кезибанны баш иеси ёлгенде жашчыгъы Алибекге энди атлай башлагъан заманы эди. Ол ата жылыуну хычыуунлугъун сезмей, аны таянчакълыгъын кёрмей алай ёсгенди. Энди, Аллахха шукур, хайт деген жаш болгъанды. Элде биринчиге саналады. Бийик билими барды, школну директоруну орунбасарыды. Атасына ушаш, узун бойлу, чырайлы, юй кёллю жашды. Ким бла да ариу тиллиди, нёгерликге сакъды. Жангыз анасын ыразы этерге уа неден да бек къайгъыргъанлай турады. «Сен мудах болма, аначыгъым, ансы мен сени не айтханынгы да этерге хаппа-хазырма!»,-деп, кёлюн кётюрюрге кюрешиучюдю, аны мудахланып кёрсе.

ФСБ-ны Къабарты-Малкъарда Управлениясы республикада МВД-ны келечилери бла бирге экономика бузукълукълагъа къажау оператив-излеу ишни бардыргъан кезиуде бир коммерциялы организацияны башчысы кредит алыу бла байламлы хыйлачылыкъ этгенин тохташдыргъандыла. 
 

ФСБ-ны Къабарты-Малкъарда Управлениясы бардыргъан оператив-излеу ишни чеклеринде Басхан райондан 33-жыллыкъ А.А. Фашмухов тутулгъанды.

Бишлакъны жаланда ол бек татыулу болгъаны ючюн сюергеми керек сунасыз? Угъай. Ол кеси дарманды. Аны юсюнден диетолог эм нутрициолог Байсыланы Мурат айтады.