Календарь событий

Озгъан айны экинчи жарымында харбыз бла хууан сатыу башланнганды. Бизни республикагъа аланы кёп жерледен ташыйдыла. Иги бишгенлери, жаланда татлы болгъан бла къалмай, саулукъгъа да хайырлыдыла. Алай тийишлисича ёсдюрюлмей, кеслери да тапсыз сакъланнган эселе, адамгъа хата салмай къоярыкъ тюйюлдюле. Бу кёгетлени сатып алгъанда бегирекда неге эс бурургъа кереклисин Роспотребнадзорну Къабарты-Малкъарда бёлюмюню специалистлери эсгередиле.

Окъуу жылдан сора сабийле жай каникулларын зауукълу ётдюредиле. Ойнайдыла, аппаларына бла аммаларына къонакъгъа барадыла.  Алай бир-бир мектепледе башланнган классланы окъуучуларына жай кезиулери зауукълудан сора хайырлы эм магъаналы да болурча, жай къайтарыу ишле бередиле.

Россей аскерни полковнигине, Таджикистанны къоруулау министрини алгъыннгы биринчи заместители - Сауутланнган кючлени генеральный штабыны начальниги эм Сауутланнган кючлени мурдорун салгъан  Уяналаны Рамазанны жашы Валерий дуниясын алышханлы он жылдан атлагъанды.  

Пятигорскда «Машук – 2026» форумда къонакъда санатны тарыхчысы, «Къырал Кремль къалада оруслу суратчыланы юслеринден ушакъла» программаны жарашдыргъан эм бардыргъан «Мени орамымы музейи» маданият учрежденияны башчысы Александр Архангельский болгъанды.

Къайсы ауузгъа барсакъ да кёре  турабыз оюлуп, чачылып  тургъан эски эллерибизни.  Ташдан къаланнган хуналары, юй къабыргъалары озгъан кюйсюз заманланы  шагъатларына эсгертмелеча сюеледиле.

Кёп болмай Къабарты-Малкъар къырал университетни жаш алимлери «акъыллы» тренажёр къурагъандыла. Ол жарау этген адамны санларына уллу  ауурлукъ жетмезча эм  бир затын  ачытмазча да   кёз-къулакъ болады.    

Къабарты-Малкъар къырал университетни алимлери медицина имплантатлагъа жараулу темирча  къаты  полимерле жарашдырадыла. Ала  титандан эки кереге женгилдиле эм бек  иссилеге, сууукълагъа да  тёзюмлюдюле. Ол санда сууда батмайдыла эм отда да кюймейдиле.