Календарь событий

– Сейир тюрленип къалгъанды бу дуния. Кеси сёзюнде тургъан адам жокъду. Ий, Аллах хакъы, сени да телиге чыгъарлыкъдыла атынгы, былай барса… – дейди, директорну кабинетинден атлай, Разият.

Къабарты-Малкъарны заповеднигини ишинде экология туризмни айнытыугъа аслам магъана бериледи. Ол умутда эмда жарыкъландырыу, саулукъландырыу, илму-излем, тарых-маданият жумушланы тамамлар хыйсап бла аны тийресинде экология маршрутла жарашдырыладыла.

 Алимент - кесин кечиндирирге, ишлерге онгу болмагъан инсаннга къаршы жууукълары тёлеген ахчады. Асламында анга сабий неда абадан инсан тийишлидиле.

Бу суратладагъы сабийле 1991-1992 жыллада Сотталаны Къаншау къурагъан «Элия» атлы биринчи сабий тепсеу къауумда болгъандыла. Андан бери отуздан артыкъ жыл ётгенди, алай а была эгеч бла къарындаш сезимлерин тас этмегендиле. Бюгюн, бирге жыйылып, ол кезиулени сюйюп эсгергенлери жюрекде ниет биргеликни, шуёхлукъну юслеринден жангы сезимле туудурады. 

Ненча жылгъа дери адамны эси тап турады? Хар инсанда  да башха тюрлю. Нек болады алай? Бирлени акъыллары жерлеринде, башхаланыкъы  уа къартлыкъларына – ташлап… Бу къыйын соруулагъа жууапла невролог Виктория Владимировна Кушнарёва бергенди.

«Розовый фламинго» санаторийде от ёчюлтюу жаны бла  дерсле бардырылгъандыла. Ала къутхарыучуланы кёп адамла жыйылгъан жерде от ёчюлтюуге  усталыкъларын игилендирир мурат бла къуралгъандыла. Бек биринчи юйрениу халда мекямны ичинден адамланы кёчюрюу ётгенди. Устазла сабийлени къоркъуусуз жерге элтип, аланы хар бирини да атларын айтып, барысы да келгенлерине тюшюннгендиле.

Белгилисича, буруннгу жылда 11 январьда Малкъарны кеси ыразылыгъы бла Россейге къошулгъаныны 200-жыллыгъына аталгъан мемориал комплекс боллукъ жерде эсгертме ташны орнатхан эдиле. Бюгюнлюкде мында къурулуш ишле башланнгандыла. Ол экинчи жыл жайдан кеч къалмай, хайырланыргъа берилирге керекди.

Хочуланы Мурат бла Ирина Быллымда жашайдыла. Хар таулу юйюрча, бахчада ишлейдиле, кеслерини мюлклерин жаратадыла. Эллилерини бла къоншуларыны араларында бек ариу бетлидиле. Мурат Тырныауузну почтасында улоу жюрютеди, Ирина юй бийчеди. Бу огъурлу юйюрде тёрт аламат жаш ёсюп келедиле. Бирлери, окъууну бошап, жашауда жерлерин тапхандыла, бирлери уа къыстау билим алыуну жолундадыла. Юйюрде аталарыны бла аналарыны арасында жумушакълыкъны, жууашлыкъны, сюймекликни бла бир бирге терен хурметни кёрюп ёсген сабийле бу юлгюню кеси жашауларына элтириклери хакъды.

Кёп болмай Москвада «Родина» миллет арада «Ата журт – ол адамладыла. Саулукълу юйюрдю» деген форумда аналыкъгъа  бла сабийликге тутхучлукъ этиуге аслам эс бурулгъанды.  Къабарты-Малкъар бу жаны бла ахшы сынам жыйгъан алчы регионланы тизмесинде болгъанын да энчи белгилерчады.