Календарь событий

Юйюрню, сюймекликни эм кертиликни байрамына атап, ич ишле органланы ветеранларыны советинде къууанчлы жыйылыу болгъанды. Ары элли жылны бирге жашагъан юйюрле чакъырылгъандыла. 

Яникойну Муслийман организациясы къурап, 17 жыллары толмагъан элли жаш тёлюню арасында «Эм иги бахча» деген конкурс быйыл бла экини кере бардырылады. Тёрелиге айланнган эришиуге яникойчула бла каменкачыла сюйюп къатышадыла. Жерчилик ишле уа апрельде  башланнган эдиле. Къызчыкъла бла жашчыкъла  бахчаларында бананла, финикле, инжир, дугъум, жилек эм дагъыда башха  затла ёсдюргендиле.

Россейни миллет гвардиясыны аскерлери къуралгъанлы он жыл толгъанына аталып, «Росгвардия бла каникулла» ведомстволу жумушла бардырыладыла. Звёздный элде орналгъан бёлюмню аскерчилери бу жол «Звёздочка» санаторийде солугъан сабийлеге къонакъгъа келгендиле, деп билдиргендиле бизге ведомствону пресс-службасындан. 

Умарланы Ибрагимни къызы Кулина бла Мамаланы Фатимат танышдыргъанды бизни. Таулулада, къарачайлылада да ана тилден бла адабиятдан дерсле берген устазланы бир бирге ушагъан жерлери барча кёрюнеди манга. Кулина Ибрагимовнагъа тюбегенлей окъуна мени окъутхан устазладан къайсына ушагъанын ангылаялмай турдум. 

Бийиклиги 7134 метр болгъан Ленин атлы тау тёппеге бу кюнледе РФ-ни МЧС-ни Элбрус бийик-тау излеу-къутхарыу отрядны келечилери Газаланы Алибек бла Жеттеланы Исмайыл кётюрюлгенлерини юсюнден ахшы хапар келгенди. Жашла ары малкъар халкъны байрагъын да чыгъаргъандыла.