Календарь событий

2026 жылда Къабарты-Малкъарны эл мюлк  вузу  45-жыллыгъын белгилерикди. Алай а бу магъаналы датаны аллында, биринчи аграр студент болургъа дери иги да кёп заман алгъа башланнган тарых турады. Бу хапар — республика жерчиликде илмугъа таянып уруна билгенлени кеси хазырларгъа эркинликни къалай алгъаныны эмда гитче факультетден Шимал Кавказны эм уллу университетлеринден бири къалай ёсгенини юсюнденди.

26 июньда  10:00 сагъатдан башлап 12:00 сагъатха дери Праволу болушлукъну кюню бардырыллыкъды. Хакъсыз юридический болушлукъ бериуню пунктлары Къабарты-Малкъар Республиканы Т.К.Мальбахов атлы къырал миллет китапханада, «Ата журтну къоруулаучулары» Къырал фондну Къабарты-Малкъар Республикада бёлюмюнде, «Къабарты-Малкъар Республикада къырал эмда муниципал жумушланы кёп тюрлюлерин толтургъан ара» къырал бюджет махкемеде бла аны КъМР-де бёлюмлеринде, ЗАГС-ны республиканы битеу районларында бёлюмлеринде да къуралгъандыла.

Ариужан не заманда да эртте къобуучуду. Бу жай эрттенликде да алай болгъанды. Аны алгъа шошлукъ уятханча кёрюнсе да, алай тюйюл эди. Абидез тазын да алып, босагъадан атлады да, тау артындан кюн къарагъанын кёрдю. Ол арбазда абидезин ала туруп, къанатлыла да жырлай башладыла. Аланы чюуюлдеюлери кёллендире, тёгерекге-башха мамырлыкъ тилей, жангы кюннге алгъышын айта, алай кирди ол юйге. 

Нальчикде Ара шахар китапхананы 10-чу номерли бёлюмю 1984 жылда ачылгъан эди. 2021 жылда уа, «Маданият» миллет проектге къошулуп, жангыртыу ишлеге грант алгъанды. Ол биз билген тёрели китапханаладан башхады: кенгди, жарыкъды.  Кеси да Нальчикде Къулийланы Къайсын атлы орамда орналады.

Россейни ФСБ-сыны КъМР-де Управлениясыны къуллукъчулары, чекчиле, полициячыла эм таможняны келечилери бла бирге сауутланы эм наркотиклени законсуз сатыу-алыуну профилактикасыны чеклеринде излеу-тинтиу жумушла бардыргъандыла.

Россейни ФСБ-сыны КъМР-де Управлениясыны къуллукъчулары, РФ-ни Ич ишле министерствосуну Шимал-Кавказ федерал округда Баш управлениясыны келечилери бла бирге экономикада бузукълукълагъа къажау излеу-тинтиу жумушланы кезиуюнде коммерциялы организацияладан бирини эки ишчисини хыйлалыкъларын тыйгъандыла.

КЪАБАРТЫ-МАЛКЪАР РЕСПУБЛИКАНЫ ПАРЛАМЕНТИНИ

Б Е Г И М И

Бюгюнлюкде ата-бабаларыбыздан келген аш, хант хазнабыз айный барады. Таулуну хычинин,  жалбауурун, сохтасын, жёрмесин, учасын сюймеген  республикабызда, уллу Россейде да тапхан къыйынды.  Бюгюн сайтны окъуучуларын учаланы бир къаууму бла шагъырей этебиз.