Календарь событий

Бабугент Черек районда орналыпды, элни онтогъузунчу ёмюрде малкъар таубийле Айдаболлары бла Жанхотлары къурагъандыла. Озгъан ёмюрню жыйырманчы жылларында элде агъач жарашдырылгъан цехле ачыладыла, аны хайырындан анда жашагъанланы саны иги кесекге ёсгенди. 1935 жылда Бабугентни жангы къуралгъан Холам-Бызынгы районнга къошхандыла. 1944 жылда малкъар халкъны Къазахстаннга бла Орта Азиягъа кёчюргенлеринде, сагъынылгъан район да чачылады, аны орунуна жангы Совет район къуралгъанды, ол кезиуде эл Черек деген атны жюрютгенди.

Къабарты-Малкъарны Ветеринария управлениясындан билдиргенлерича, хламидиоз тууарлагъа жукъгъан къужур  аурууду эм адамгъа да  къоркъуулуду.  Сагъынылгъан ауруу къыралны къайсы бир регионунда да жайылыргъа ёчдю. Аны бла бирге жаныуарла уллусу, гитчеси да жылны къайсы кезиуюнде да аурургъа боллукъдула. 

Минеральные Воды шахарда «Минводы Экспо» арада бу кюнледе «PROяблоко» деген сегизинчи халкъла аралы форум-кёрмюч ётгенди. Ол неге жораланнганын аны аты кеси айтады – алмала  ёсдюрюуге, сакълаугъа, жарашдырыугъа эмда сатыугъа.

Чегем район «Жашау этерге жараулу инфраструктура» миллет проектге кирген «Иги шахар болум къурау» федерал программагъа тири къатышады. Ол санда былтыр аны чеклеринде Лагерная орамда сквер ишленнгенди. Буруннгу жылда Битеуроссей конкурсда аны ючюн 5638 адам къол кётюрген эди.

Бу кюнледе Нальчикде Абхазияны майданында «Мени къоркъуусуз каникулларым» деген уллу акция ётгенди. Аны Россейни МЧС-ини Къабарты-Малкъар Республикада Баш управлениясы тийишли ведомствола бла бирге къурагъанды. Анда сабийлени къоркъуусузлукъну жорукъларына юйретиуге аталгъан дерсле къуралгъандыла.

Къабарты-Малкъарны Ветеринария управлениясындан билдиргенлерича, бюгюнлюкде  мюлклени иги кесеги   малларын жайлыкълагъа чыгъаргъандыла.  Саулай алып айтханда,  быйыл тауда  30,2 минг тууар,  62 минг чакълы ууакъ аякълы мал эм 4,6 минг ат кечинирикдиле. 

Алгъын битеу къууанчла, ол санда тойлада, сабий туугъанда къууумлада,  ичги жюрюген  эседа, бусагъатда болум тюрленнгенди. Жаш тёлюню асламысы ичгисиз тойла этерге сюедиле, аталары-аналары да анга ыразыдыла. Башха халкълада уа къалайды болум, озгъан ёмюрледе уа ичгиге къалай къарагъандыла? Аны юсюнден  Психиатрия эм наркология араны психологу Текуланы Виола бла ушакъ этгенбиз.

1944 жылны жаз башында совет аскерле уллу хорламлагъа жетишгендиле. Украина фронтланы тёртюсю да алгъа баргъандыла. 1-чи Украина фронт (командующиси маршал Г.К.Жуков) Тернопольну азатлагъанды, 2-чи Украина фронт (командующиси маршал И.С.Конев),Прут черекден ётюп, Румынияны жерине киргенди. 3-чю Украина фронт (командующиси армияны генералы Р.Я.Малиновский) 10 апрельде Одессаны, 12 апрельде уа Тираспольну азатлагъанды.

Республикабызны Спорт министерствосуну МАХ-да каналында билдириуге кёре, 7 июльгъа дери «Россейни кючю» деген марафонну чегинде «Россейни эм иги спорт юйюрю» эришиу къуралады, аны мураты башха-башха жыл санда адамланы саулукълу жашау бардырыргъа кёллендириудю.

Хурметли окъуучуларыбыз!

 «Заман» миллетибизни жангыз газетиди. Ол халкъны къыраллыгъын кёргюзтген бир белгиди. Аны бетлеринде малкъар халкъны маданиятыны, тарыхыны, бюгюннгю жашаууну, белгили эмда айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха жерде табаллыкъ тюйюлсюз.

Энчи предпринимательлени (ИП) асламысы хар жыл сайын пенсиягъа эмда медицинагъа белгиленнген тёлеулени кёчюрюрге борчлудула. Алай кеслери иш къурап къармашханла, налогну женгиллендирилген халда тёлеуге (АУСН) кёчгенле уа андан эркин этиледиле.

Ёмюрледен бери да айбатлыкъны сыфатын ачыкълай, назмучула, акъылманла аламат сёзле айтхандыла, жырла жазгъандыла, макъамла къурагъандыла. Ала чырайлыкъны дуниягъа къууат берген кюн, къарангы кечени жарытхан ай, жаз башында къарны жырып чыкъгъан жанкъоз гюл эм кёп башха сейир затла бла тенглешдиргендиле. Болсада, не кёп сёз айтылгъан эсе да, хар кёргенинг сайын ариугъа бир жангы багъа биче бараса.

КЪАБАРТЫ-МАЛКЪАР РЕСПУБЛИКАНЫ ПРАВИТЕЛЬСТВОСУНУ

Б Е Г И М И