Календарь событий

Бу ыйыкъда Элбрус райондан Къабарты-Малкъар республикадан энчи аскер операциягъа къатышханлагъа кезиулю болушлукъ ашырылгъанды. Озгъан айда районну билим бериу учреждениялары «Сабий къолланы жылыуу» деген жандауурлукъ акциягъа тири къатышхандыла.

8-14 июньда Россейни саулукъ сакълау министерствосу тириликни саулукъгъа хайырлылыгъын ангылатыуну ыйыгъын бардырады. Аны чеклеринде КъМР-ни  Саулукъ сакълау министерствосуну Психиатрияны бла наркологияны клиника арасыны келечилери тирилик дарман жарашмагъан кезиуде окъуна болушханын эсгертедиле.

Сёзсюз, тюз диагнозну  анализледен сора жаланда врач салалады.  Алай  ауругъан  жеригизни ангылап,  заманында саулугъугъузну  иги жанына кесигиз да бурургъа боллукъсуз. Врач Балаланы Танзиля айтханнга кёре, адамны бетинде кёп зат жызылыпды.

Болгъандыла тау элледе устала: жырчыла, назмучула, таурухчула, хуначыла, агъач устала, кюмюшчюле, темирчиле эм башхала. Ала этген ишлери бла махтау алгъандыла. Сёз усталаны айтханлары, жырлары бюгюн да айтыладыла, эски хунала да сюеледиле. Кюмюш накъышланы сакъланнганлары да бардыла.

Белгилисича, Къабарты-Малкъарда Китапланы сюйгенлени жамауат биригиулери бла Къулийланы Къайсынны  Мемориал юйю-музейини ишчилери къурагъан «Къайсынны от жагъасында» деген проект ючюнчю жыл ишин бардырады. Аны чеклеринде Чегем ауузунда, Эл-Тюбюнде Къулийланы ата-бабалары тургъан жерде, битеу дуния таныгъан закий поэтни туугъан юйюне жыл сайын кезиулю къонакъла барадыла. 

1990 жылда «Болгария» деген журналда «Кубрат ханы хазнасы» деген статья басмаланнган эди. Аны автору Людмила Писарева эди. Статья жаланда Кубрат ханнга жууукъ болгъан болгарлылагъа угъай, битеу тюрк миллетлеге да магъаналыды.

Россейни Росгвардиясыны КъМР-де Управлениясыны лицензия-эркинлик бериу жаны бла  арасыны таматасы полицияны полковниги Заурбек Хачемизов журналистле бла тюбешиуде «Сауутну юсюнден» федерал законнга кийирилген тюрлениулени ангылатханды.

Къоркъуусузлукъну федерал службасы Россейни Следствие комитетини, МВД-сы эмда Федерал налог службасы бла бирге «Экологистика» ООО-ну башчысы Р.Г. Кочесоков къалгъан-къулгъанланы жыйыу эмда кетериу, тёгерекдеги къудуретни къоруулау бла байламлы  налогладан албугъартып тургъанын ачыкълагъанды.  

Отарланы Магомедни жашы Омар 1916 жылны 10 майында Гирхожан элде туугъанды. 1938 жыл сентябрьде аны Нальчикге чакъырып, Къабарты-Малкъарны радиосуну А.М. Покровский таматалыкъ этген хоруна алгъандыла. Бир жыл озуп, ол чыгъармачылыкъ бла профессионал халда кюрешип башлайды. Жырлау усталыкъны школун Омар Магомедович бу устазлада ётгенди: дирижёр А.М. Покровский, композитор Т.К. Шейблер, музыканы профессору А. Авраамов. Омар Магомедович Мечиланы Кязим бла 1939 жылда тюбешгенде, Кязим жаш жырчыны усталыгъына бек бийик багъа берген эди.

Къабарты-Малкъарда «Иги шахар болум къурау» федерал проектге кёре жыл сайын иги кесек жер жангыртылады. Ол санда былтыр да эки жыйырма чакълы жамауат жер ишленнгенди неда игилендирилгенди, деп билдиргендиле КъМР-ни Къурулуш эм жашау журт-коммунал мюлк министерствосундан.

Айтхылыкъ Т-34 танкны совет конструкторла 1940 жылда жарашдырып бергендиле. Ол терк жюрюгени, ары бла бери женгил бурулгъаны бла  немислилени махталгъан «тигрларын» озгъанын Уллу Ата журт урушну кезиуюнде Прохоровканы къатында баргъан деменгили сермешде толу ачыкъланнганды.

Республикада культурологиядан биринчи доктор, белгили кесаматчы Орусбийланы Фатима туугъанлы быйыл 85 жыл болады. Фатима жазгъан ишлери бла маданият хазнабызгъа тийишли юлюш къошханды.  Ол «Жанргъа жол», «Къарачай- Малкъар фольклор», «Портретле эм проблемала», «Метафизика колеса. Тюрк культурогенезни соруулары» деген китапланы эм кёп илму ишлени авторуду. Ала барысы да бийик профессионал даражада жазылгъандыла. Аланы ичинде «Малкъар литератураны тарыхыны очерклери» энчи жерни алады.

Хурметли жамауат!

Сиз республикабызда тамамланнган ишлени юслеринден толу хапар алыргъа сюе эсегиз;

Сиз ёз халкъыгъызны адамы болгъаныгъызны дайым сезгенлей турургъа сюе эсегиз;

Сиз малкъарлыланы тарыхларыны, маданият хазналарыны, тёрелерини эмда адетлерини, аланы бюгюннгю жашауларыны, жетишимлерини эм къайгъыларыны юсюнден кёбюрек билирге итине эсегиз – «ЗАМАН» ГАЗЕТГЕ ЖАЗЫЛЫГЪЫЗ!

Быйыл "Россети Северный-Кавказ" -"Каббалкэнерго" биригиуню специалистлери ток урланнганы бла байламлы 94 шартны ачыкълагъандыла. Аны чеклеринде 1,6 миллион  киловатт-сагъат тас болгъанды. Ахчагъа  кёчюргенде, аны багъасы  8,9 миллион сом болады. Сёз ючюн, сагъынылгъан электрокюч бла Атажукино элде жашагъан алты мингнге жууукъ  адамны  эки ай чакълы жалчытыргъа боллукъ эди.

Грозныйде дзюдодан СКФО-ну чепионатыны эсеплери чыгъарылгъандыла. Республиканы Спорт министерствосундан билдиргенлерине кёре, 90 килограммгъа дери ауурлукъда майдалланы барысын да республикабызны келечилери алгъандыла.